ನಮ್ಮ ಪ್ರಕಾಶನ ಸಂಸ್ಥೆ ಕಳೆದ ವರ್ಷದ ನವೆಂಬರ್ - ಡಿಸೆಂಬರ್ ತಿಂಗಳಲ್ಲಿ ಪ್ರಕಟಿಸಿದ 'ನೀವೂ ಚೆಲುವೆಯರಾಗಿ...' ಮತ್ತು 'ಕಿಲಕಿಲ' ಪುಸ್ತಕಗಳು, ಕಳೆದ ಎಂಟೊಂಭತ್ತು ತಿಂಗಳಲ್ಲಿ ಅಪಾರ ಖ್ಯಾತಿ ಗಳಿಸಿದ್ದು, ಈ ಎರಡು ಪುಸ್ತಕಗಳ ಎಲ್ಲಾ ಒಂದು ಸಾವಿರ ಪ್ರತಿಗಳೂ ಪೂರ್ತಿಯಾಗಿ ಮಾರಾಟಗೊಂಡಿದೆ. ಇತ್ತೀಚೆಗಷ್ಟೇ ಈ ಎರಡು ಪುಸ್ತಕಗಳು ಎರಡನೇ ಮುದ್ರಣ ಕಂಡಿದೆ ಎಂದು ಹೇಳುವ ಹೆಮ್ಮೆ ನಮಗಿದೆ; ಜೊತೆಗೆ ಕನ್ನಡ ಓದುಗರು ಎಲ್ಲಿಯೂ ಹೋಗಿಲ್ಲ, ನಮ್ಮ ನಡುವೆಯೇ ಇದ್ದಾರೆ, ಅವರಿಗೆ ನಾವು ಒಳ್ಳೆಯ ಪುಸ್ತಕಗಳನ್ನು ತಲುಪಿಸಬೇಕಷ್ಟೇ ಎಂದು ಹೇಳುವ ಖುಷಿಯೂ ನಮ್ಮದಾಗಿದೆ. ಇದು ನಮ್ಮ ಪ್ರಕಾಶನ ಸಂಸ್ಥೆ ಇನ್ನಷ್ಟು ಪುಸ್ತಕಗಳನ್ನು ಪ್ರಕಟಿಸಲು ಸಾಕಷ್ಟು ಧೈರ್ಯವನ್ನೂ ಕೊಟ್ಟಿದೆ. ನಿಮ್ಮ ಪುಸ್ತಕ ಪ್ರೀತಿ ಇದೇ ರೀತಿ ಈ ಬುಕ್ಸ್ ಬ್ಯಾಂಕಿನೊಂದಿಗಿರಲಿ. ಈ ಎರಡು ಪುಸ್ತಕಗಳ ಎರಡನೇ ಮುದ್ರಣದ ಹೊಚ್ಚ ಹೊಸ ಪ್ರತಿಗಳು ನಮ್ಮೆಲ್ಲ ಪುಸ್ತಕ ಮಾರಾಟಗಾರರ ಬಳಿ ಲಭ್ಯವಿದೆ.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ