ಅದೊಂದು ಕಥೆಯಂತೆ ಕಾಣಿಸುತ್ತದೆ. ಆದರೆ ಅದು ಕಥೆಯಲ್ಲ. ಆದರೆ ಅದನ್ನು ಓದಿ ಮುಗಿಸಿದ ತಕ್ಷಣ ಒಂದು ಕಥೆಯನ್ನು ಓದಿ ಮುಗಿಸಿದ ಭಾವವೇ ನಿಮ್ಮನ್ನು ಕಾಡುತ್ತದೆ. ಇಂತಹ ಒಂದಿಷ್ಟು ಪುಟ್ಟ ಪುಟ್ಟ ಬರಹಗಳು 'ನಿಮ್ಮೆಲ್ಲರ ಮಾನಸ' ಮಾಸಪತ್ರಿಕೆಯಲ್ಲಿ ಪ್ರಕಟಗೊಂಡಿದ್ದವು. ಅದನ್ನೆಲ್ಲ ಒಟ್ಟು ಸೇರಿಸಿ ಕೆ.ಗಣೇಶಕೋಡೂರು ಅವರು 'ಕಥೆಗಳಲ್ಲದ ಕಥೆಗಳು' ಪುಸ್ತಕವನ್ನು ಸಂಪಾದಿಸಿದ್ದಾರೆ. ಇದರಲ್ಲಿ ನಮ್ಮ ನಡುವಿನ ಹಲವು ಯುವ ಬರಹಗಾರರ ಪುಟ್ಟ ಪುಟ್ಟ ಬರಹಗಳಿವೆ. ಅಂಗೈಯಲ್ಲಿ ಹಿಡಿದುಕೊಳ್ಳಬಹುದಾದಷ್ಟು ಪುಟಾಣಿ ಅನ್ನಿಸುವ ಈ ಪುಸ್ತಕ, ನಿಮ್ಮ ಪ್ರವಾಸದ ಸಂದರ್ಭದಲ್ಲಿ ಒಳ್ಳೆಯ ಜೊತೆಯಾಗುತ್ತದೆ; ದಾರಿ ಸಾಗಿದ್ದು ತಿಳಿಯದಂತಹ ಅನುಭವವನ್ನು ನೀಡುತ್ತದೆ.
ಈ ಪುಸ್ತಕ 64 ಪುಟಗಳಲ್ಲಿ ಮುದ್ರಣಗೊಂಡಿದ್ದು, ಬೆಲೆ 20 ರೂಪಾಯಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ